«Ауғанның асуында от кешкендер» салтанатты мерекелік концерттің ЕСЕБІ

Ауғанстаннан кеңес әскерлерінің шығарылғанына 30 жыл толуына орай өткізілген

«Ауғанның асуында от кешкендер» салтанатты мерекелік концерттің

 ЕСЕБІ

2018 – 2019 оқу жылы

Мектебімізде 23.01.19ж. күні жоспарланған айлық іс – шарасының аясында «Ауған соғысына (1979-1989ж)» 30 жыл толуына орай «Ауғанның асуында от кешкендер» салтанатты мерекелік концерт ұйымдастырылды.

Мақсаты:  Өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету. Ауған соғысында опат болған жауынгерлердің рухына тағзым етуге, есімдерін қастерлеуге тәрбиелеу, оқушыларға патриоттық тәрбие беру.

Көрнекілігі: Слайд, видеолар, «ауған соғысы» стенд.

Салтанатты жиынымызға ауылымыздың қазыналы қарттары арнайы қонаққа шақырылды. Атап айтар болсақ, Садвокасов К.Н., Кенжебек Омарұлы., Алдай Хояшұлы т.б. аталарымыз келді.

Мерекелік концертіміз ҚР мемлекеттік әнұраны шырқалып, ауған соғысында жанпидалықпен, ерлікпен қаза тапқан жауынгерлерді еске алумен басталды.

Мектебіміздің басшысы М.Хадырұлына алғашқы сөз беріліп, ауған соғысында қаза тапқан намысты, батыл батырларымыз туралы баяндап, қысқаша мәлімет берді.

Жоғары сынып оқушылары әскери киіммен саптық қатарда адымдап келіп, 4-сынып оқушысы Муратхан Ә. мен Сағит О.Д. «Соғыстан қайтқан солдаттар» әнін нақышына келтіре орындап, жүректерді тебірентіп, сұрапыл соғыс жылдарын көз алдымызға келтіргендей.

Сонымен қатар, бұл кеште мектебіміздің 2-сыныптың үздік оқушысы Н.Сейтмұратұлы «Ұландарым» әнін, бастауыш сынып мұғалімі Хошмах К. «Әлия» әндерін асқақтата  орындаса, 5-сынып оқушылары «Еркіндігімнің айғағы» әнін жүректерге жүрекпен жеткізгендей, керемет, сазды етіп шырқады.

Көркемсөз шеберлері Муратбек Ш. «Болмасын соғыс, болмасын», Хуанишбек Ш. «Соғыс», Блатаева А. «Жауынгерлердің жыры», Бекеш С. «Ереуіл атқа ер салмай» жыр – шумақтарын мәнерлеп оқып көрерменнің ыстық ықыласына бөленді.

Кешіміздің көркін «Ауған соғысы» атты оқушыларымыз сомдаған көрініс пен мың бұралған биші қыздарымыздың «Қыздар» би тобы «Катюша» әніне қойылған көркем билерімен аша түсті.

Салтанатты жиынның қорытынды сөзі ауылымыздың ардақты азаматы, атамыз Садвокасов К.Н.,  беріліп, жылы лебізін және ізгі тілегімен бүгінгі кешті қорытындыладық.

Концертімізге белсене қатысқан оқушылар мен ұстаздар қауымына, сонымен қатар асыл уақыттарын бөліп келген сыйлы қонақтарымызға алғашқы әскери дайындық пәнінің мұғалімі Зайнулинов Н.К. өз алғысын білдірді.

«Ауғанның асуында от кешкендер» салтанатты мерекелік концертімізді «Жойылсын соғыс» әнін оқушылар болып, ұстаздар, көрермен болып қосыла шырқап, кешімізді өз мәресіне жеткіздік.

Соғыс! Бұл бір ауыз сөздің өзі өне бойыңды шымырлатып, сай – сүйегіңді сырқырататыны кімге де болса айқын. Бүгін, біз, 10 жылға созылған соғыста қаза болған жауынгерлердің рухын жаңғыртып, ерен еңбектерін еске түсірдік. Олай болса, ел басына күн туғанда етігімен су кешкен батырларымызды ешқашан ұмытпайық, ұмытылмасын, ұмытпасын!

 Алғашқы әскери дайындық пәнінің мұғалімі:                   Зайнулинов Н.К.