2023 жылдың 21 –ші Наурыз күні Саздыбұлақ ауылының ЖОББ мектебінде «Армысың, әз Наурыз!» атты мерекелік концерт

  2023 жылдың  21 –ші Наурыз  күні  Саздыбұлақ ауылының ЖОББ мектебінде «Армысың,  әз Наурыз!» атты  мерекелік  концерт  болып өтті. Мақсаты: «Наурыз» мейрамы туралы түсінік беру арқылы қазақ халқының салт - дәстүрін көрсету және оны құрметтей білуге тәрбиелеу.  Мерекелік думанды көруге ұстаздар, оқушылар, ауылдың қариялары, ақ жаулықты аналары, ауылдың  жастары,  яғни ауылдың тұрғындары  шақырылды.  22  Наурыз -Ұлыстың Ұлы күніне арнап  өткізілген  мерекелік  іс-шара   оқушыларымыздың  күй  тартуымен   ашылып,  мектеп  директоы  Хадыр  Мұратбектің  барша жұртты  Наурыз мерекесімен құттықтап,  жылы лебізін  білдіріп,  ауылдың  құрметті  ақсақалы  Болат  Мағауияұлының  барша жұртқа  бата  беруімен  басталды.  Сондай-ақ,  Наурыз  тойының  ерекше  салты – «шашу  шашу»  болғандықтан  ауылдың қадірлі  аналары  шашу шашып жиналған қауымды бір  қуантып  тастады.  Келесі  кезекте қонақтар мектеп оқушылары мен ұстаздарының және  ауыл  жастарының  дайындаған  ән-күй өнерлерін  тамашалап,  одан  қалса  спорттық  ойындар түрлері - қол күресі мен  гір көтеру жарысына қатысып, бір-бірінен оза  шауып  жеңімпаз атанып,   барша  қауым  мәз-мейрам болып жатты.  Барша жиналған қауым, ауылдағы  аталар мен  әжелер  Наурыз мейрамының  сәнін кіргізетін ерекше ас-  «Наурыз  көже»  ішіп,  дастарханнан дәм татып, баталарын беріп, тарқасып жатты. Ауыл жастары болса,  спорттық  алаңда  спорттық ойындардың  жарысын тамашалап, Наурыз  мейрамын ерекше  атап  өтті.